நேற்று செவ்வாய்க்கிழமை கொழும்பு அப்பே கம விருந்கத்தில் இடம்பெற்ற முன்னணியின் மத்திய குழுக் கூட்டத்திலேயே வேலுசாமி ராதாகிருஸ்ணன் ஏகமனதாக தெரிவு செய்யப்பட்டுள்ளார். இராதாகிருஸ்ணனின் தெரிவினையடுத்து நேற்றுவரை தலைமைப் பதவியிலிருந்த சாந்தினி சந்திரசேகரன் அப்பதவியிலிருந்து நீக்கப்பட்டுள்ளார்.முன்னணியின் ஸ்தாபத் தலைவர் அமரர் பெரியசாமி சந்திரசேகரனின் தலைமைத்துவத்திற்கு கீழ் உருவான மலையத்தின் முக்கிய தொழிற்சங்க மற்றும் அரசியல் கட்சிகளில் ஒன்றான மலைய க மக்கள் முன்னியின் தலைமைத்தும் நேற்றுவரை அவரது பாரியார் சாந்தினி சந்திரசேகரன் வசமிருந்தது. இந்நிலையிலேயே அப்பதவி தற்போது கைமாறியுள்ளது. இதற்கான தீர்மானம் எடுக்கப்பட்டிருப்பதாக முன்னனியின் செயலாளர் நாயகம் ஏ. லோரன்ஸ் தெரிவித்தார்.
நேற்று செவ்வாய்க்கிழமை இடம்பெற்ற மேற்படி செயற்குழுக் கூட்டத்தில் முன்னாள் தலைவி சாந்தினி சந்திரசேகரன் கலந்துகொண்டிருக்கவில்லை. பதுளை மாவட்ட பாராளுமன்ற உறுப்பினரும் மலையக மக்கள் முன்னனியின் நிதிச்செயலாளருமான ஏ. அரவிந்தகுமார், பிரதிச் செயலாளரும் விரிவுரையாளருமான விஜேசந்திரன், மத்திய மாகாண சபை உறுப்பினர் இ. ராஜாராம், மற்றும் மத்திய குழு உறுப்பினர்கள் என பலரும் கலந்துகொண்டிருந்தனர்.இதுதொட்பில் ஊடகங்களுக்கு கருத்து தெரிவித்த செயலாளர் நாயகம் ஏ. லோரன்ஸ் கூறுகையில், அண்மைக்காலமாக தலைமைத்துவம் தொடர்பில் ஏற்பட்ட கருத்து முரண்பாடுகளுக்கு தீர்வுகாணும் பொருட்டே இந்த தீர்மானம் எடுக்கபட்டது. மறைந்த தலைவர் பெரியசாமி சந்திரகேகரனின் கொள்கைக்கும் அவர் மலையக மக்களின் மீது வைத்திருந்த பற்றுக்கும் ஏற்ப இனி வரும் காலங்களில் தொடர்ந்து மலையக மக்கள் முன்னணி செயற்படும். மலையக மக்களின் வளர்ச்சிப் பாதையில் அமரர் சந்திரசேகரனின் பங்கு எவ்வாறு இருந்ததோ அதேபோன்று எதிர்கல வேலைத்திட்டங்களும் புரட்சிமிகுந்ததாய் முன்னெடுக்கப்டும்.
மலையக மக்கள் முன்னணியானது மலையக மக்களின் பல்வேறு வளர்ச்சிகளுக்கு காரணமாக இருந்துள்ளது. அதேபோல் மலையகத்தில் 07 பேர்ச் காணி, தனி வீட்டுத்திட்டம் ஊடாக கிராம எழுச்சித் திட்டத்தையும் உருவாக்கிய பெருமையும் உண்டு. மலையக கட்சிகளில் இலங்கையின் இனப்பிரச்சினைக்கு உலகளாவிய ரிதியில் தீர்வினை பெற்றுக்கொடுக்க பாடுப்பட்ட கட்சியும் இதுவே. அந்த பெருமை அமரர் சந்திரசேகரனையே சாரும். இவ்வாறு மலையகத்திற்கும் நாட்டின் வளர்ச்சிக்கும் சமாதானத்திற்கும் பாடுப்பட்ட இந்த கட்சி எதிர்காலத்தில் புதிய தலைமைத்துவத்தின் கீழ் சாதனை படைக்கும் என்பதில் ஐயமில்லை னெ்றார்.
No comments:
Post a Comment