யூ.எஸ்.ஏ.ஐ.டீ நிதி உதவியுடன் கிழக்கு மாகாண பாடசாலைகளை அபிவிருத்தி செய்யும் திட்டத்தில் தமிழ் பாடசாலைகள் புறக்கணிக்கப்பட்டுள்ளதா
மேற்படி திட்டத்தின் கிழக்கு மாகாணத்தில் தேர்ந்தெடுக்கப்பட்ட எட்டு பாடசாலைகளில் ஒரு பாடசாலையே தமிழ் பாடசாலையாகும். ஏனைய ஏழு பாடசாலைகளும் முஸ்லிம் பாடசாலைகள். இவ்விடயம் தெடர்பாக கருத்துத் தெரிவிக்கையிலேயே அவர் இவ்வாறு தெரிவித்தார்.
அவர் தொடர்ந்து கருத்துத் தெரிவிக்கையில்,
குறித்த நிதியானது கிழக்கு மாகாணத்தில் உள்ள தமிழ் பேசும் மக்களுக்கான பாடசாலைகளுக்கு சமமாக பகிர்ந்தளிக்கப்பட வேண்டும். இதனை விடுத்து முதலமைச்சர் தன்னுடைய அதிகாரத்தினை பயன்படுத்தி 7 க்கு ஒன்று என்ற வீதத்தில் தேர்வு செய்துள்ளார். இந்த பாடசாலை தேர்வுகளை முதலமைச்சரே மேற் கொண்டுள்ளார் இதனை மீள்பரிசீலனை செய்து பின்தங்கிய தமிழ் பாடசாலைகளை இந்த பட்டியலில் சேர்த்துக் கொள்வதற்காக கல்வி அமைச்சர் உடனடியாக நடவடிக்கை எடுக்கவேண்டும்.
உண்மையில் கிழக்கு மாகாணத்தில் உள்ள போரினால் பாதிக்கப்பட்ட பாடசாலைகளை இவ்வாறான விசேட திட்டங்களின் ஊடாக அபிவிருத்தி செய்வதற்கு சிறப்பான சந்தர்ப்பமாக இவற்றினை பயன்படுத்த வேண்டும் போரினால் பாதிக்கப்பட்ட பாடசாலைகள் கிழக்கு மாகாணத்தில் நிறையவே உள்ளன. அப் பாடசாலைகள் எந்தவித அபிவிருத்தியும் இன்றி அவ்வாறே கணப்படுகின்றன.
இனிவருங் காலங்களில் போரினால் பாதிக்கப்பட்ட பாடசாலைகளை அபிவிருத்தி செய்வதற்கு கிழக்கு மாகாண சபை முன்னுரிமை அளித்து செயற்படவேண்டும். இல்லா விட்டால் அப்பாடசாலைகள் மிக மோசமாக பின்தங்கிச் செல்லும் நிலை ஏற்படும் விசேடமாக கிழக்கு மாகாண முதலமைச்சர் இவற்றில் கரிசனை காட்ட வேண்டும் என்றும் கூறினார்.
No comments:
Post a Comment