இன நல்லிணக்கத்தை சீர்குலைக்கும் வகையில் பாத யாத்திரை அமைந்துள்ளது - மாவை!

இன நல்லிணக்கத்தை சீர்குலைக்கும் வகையில் பாத யாத்திரை அமைந்துள்ளதாக இலங்கைத் தமிழரசுக் கட்சியின் தலைவர் மாவை சேனாதிராஜா தெரிவித்துள்ளார்.


தற்போதைய அரசாங்கம் நாட்டில் சமாதானத்தை நிலைநாட்ட எடுத்து வரும் முயற்சிகளை குழப்பும் வகையில் கூட்டு எதிர்க்கட்சி பாத யாத்திரையை ஒழுங்கு செய்துள்ளதாகத் தெரிவித்துள்ளார்.


இந்த பாத யாத்திரையை தோற்கடிக்கச் செய்ய வேண்டுமென அவர் வலியுறுத்தியுள்ளார்.இனவாத முரண்பாட்டை தோற்றுவிக்கும் வகையில் இந்த கூட்டு எதிர்க்கட்சி பாத யாத்திரையை மேற்கொள்ள உத்தேசித்துள்ளதாகத் தெரிவித்துள்ளார்.


தமிழ் மக்களின் கோரிக்கைகளை நல்லாட்சி அரசாங்கம் செவிமடுத்து வரும் நிலையில், அவற்றை சீர்குலைக்கும் வகையில் கூட்டு எதிர்க்கட்சி நடவடி;ககை எடுத்து வருவதாகத் தெரிவித்துள்ளார்.


வவுனியா நகரசபை மண்டபத்தில் நடைபெற்ற நிகழ்வு ஒன்றில் அவர் இதனைக் குறிப்பிட்டுள்ளார். நாட்டில் கட்டியெழுப்பப்பட்டு வரும் நல்லிணக்கத்தை சீர்குலைக்க எவருக்கும் இடமளிக்க முடியாது என அவர் தெரிவித்துள்ளார்.