சமூகத்தில் இடம்பிடித்திருந்தனர். ஆனால் இன்று அத்தகைய நிலைமாறி ஆசிரியர்களை மதிக்காத சமூகம் உருவாகிவருவது கண்டு மனவேதனை அடைகின்றேன் என இலங்கைத் தமிழர் ஆசிரியர் சங்கத்தின் பொதுச் செயலாளர் சரா.புவனேஸ்வரன் தெரிவித்துள்ளார்.
கோப்பாய் ஆசிரிய கலாசாலையில் நடைபெற்ற ஆசிரியதின விழாவில் பிரதம அதிதியாகக் கலந்துகொண்டு உரையாற்றுகையில் அவர் மேற்கண்டவாறு தெரிவித்தார்
அவர் அங்கு மேலும் தெரிவித்ததாவது
தமது கடமைகளை சிறப்பாகவும், சீராகவும் ஆற்றி அதனூடாக நல்ல அறுவடைகளைப்பெற்று தனிமனித வாழ்க்கையையும், சமூகத்தையும் உயர்வான நிலைக்கு கொண்டுவந்தவர்கள் ஆசிரியர்களே. அவர்களின் கண்டிப்பும், அவர்கள் வழங்கிய தண்டனையும் ஏற்புடையதாக மாணவர் மனங்களில் விழிப்பை உண்டாக்கியது.
ஆனால், இன்று அப்படியல்ல. கண்டிப்பை ஏற்றுக்கொள்ளும் மாணவரும் இல்லை. சாதனைகளுக்கு உரிமை கோரக்கூடிய ஆசிரியர்களும் இல்லை. காரணம் ஒரு மாணவனின் சாதனையில் அதிக பங்காளிகள் உள்ளனர். அவர்களை இனங்காண்பதிலும், வணங்குவதிலும் மாணவர்களுக்கு பல்வேறு சிக்கல்கள் உள்ளன. இதனை உணராத சமூகம் ஆசிரியர்களை வணங்கும், வாழ்த்தும் என்று நாம் எதிர்பார்க்க முடியாது. மாறாக சாதனைக்கு உரியவரை மாணவன் எப்பொழுது சுட்டிக்காட்டுகின்றானோ அன்றுதான் நாம் மதிப்பிற்கும், மரியாதைக்கும் உரியவர்களாக மாறுகின்றோம் என்றார்.
No comments:
Post a Comment