பண்டைத்தரிப்பு சில்லாலைப் பகுதியில் 10 கி.கி கஞ்சா மீட்பு !

யாழ்ப்பாணம், பண்டத்தரிப்பு, சில்லாலை பகுதியிலுள்ள கைவிடப்பட்ட வீடு ஒன்றில் மறைத்து வைக்கப்பட்டிருந்த 10 கிலோகிராம் கஞ்சாவை நேற்று மீட்டதுடன்,அதனை மறைத்து வைத்திருந்த அப்பகுதியைச் சேர்ந்த சந்தேகநபர் ஒருவரையும் கைது செய்ததாக இளவாலை பொலிஸ் நிலைய
பொறுப்பதிகாரி கே.மஞ்சுல டி சில்வா தெரிவித்துள்ளார்.

பொலிஸாருக்கு கிடைத்த இரகசிய தகவலையடுத்து, குறித்த வீட்டை சுற்றிவளைத்த பொலிஸார் 5 பொலித்தீன் பொட்டலங்களில் வைக்கப்பட்டிருந்த சுமார் 25 இலட்சம் ரூபாய் பெறுமதியான கஞ்சாவை மீட்டனர்.

தொடர்ந்து மேலதிக விசாரணை மேற்கொண்டு அதேபகுதியை சேர்ந்த 19 வயதுடைய சந்தேகநபர் கைது செய்யப்பட்டார்.

இந்தியாவிலிருந்து கடல் மார்க்கமாக கொண்டுவரப்பட்ட கஞ்சாவை விற்பனை செய்வதற்காக வீட்டில் மறைத்து வைத்திருந்ததாக சந்தேக நபர் வாக்குமூலம் அளித்துள்ளார்.

இதேவேளை மேலதிக விசாரணைகளை போதைப் பொருள் தடுப்பு பொலிஸார் மேற்கொண்டு வருகின்றனர்.