மன்னார் பள்ளிமுனையில் நேற்று இரவு இனம் தெரியாத நபர்களினால் குடும்பஸ்த்தர் கடத்தல்!

மன்னார் பள்ளிமுனை தெற்கைச் சேர்ந்த குடும்பஸ்தர் ஒருவர் கடத்தப்பட்டுள்ளார்.உயிலங்குளம் சென் பீற்றர் ஆலய பங்கு பணிமனையில் வைத்து நேற்று இரவு இனம் தெரியாத நபர்களினால் கடத்தப்பட்டுள்ளதாக தெரிவிக்கப்பட்டுள்ளது.

இது தொடர்பில் அவரது மனைவியால் மன்னார் காவற்துறை நிலையத்தில் முறைபாடொன்று பதிவு செய்யப்பட்டுள்ளது.
கடத்தப்பட்டு காணாமல் போனவர் மன்னார் பள்ளிமுனை தெற்கைச் சேர்ந்த 3 பிள்ளைகளின் தந்தையான எஸ்.அன்ரன் டெனி என்ற 38 வயதானவர் என்று தெரிவிக்கப்பட்டுள்ளது.
அவர் கடந்த சில தினங்களாக புலனாய்வு பிரிவினர் என்று தங்களை அடையாளப்படுத்திய சிலரால், அச்சுறுத்தப்பட்டு வந்ததாகவும் கூறப்படுகிறது