வன்னி மாவட்ட சாலைகளுக்கு புதிய பஸ் வண்டிகள் கையளிப்பு!

இலங்கை அரச போக்குவரத்துச் சேவையின் வன்னி மாவட்ட சாலைகளுக்கு புதிய பஸ் வண்டிகள் நேற்று கையளிக்கப்பட்டுள்ளன. இந்த நிகழ்வு நேற்று மாலை மன்னார் அரச பஸ் தரிப்பிடத்தில், வடமாகாண அரச போக்குவரத்துச் சேவையின் பொது முகாமையாளர் முஹமட் அஸ்ஹர் தலைமையில் இடம் பெற்றது. இந்நிகழ்வில் மத்திய அரசின் போக்குவரத்து அமைச்சர் ரஞ்சித் மத்தும பண்டார, பிரதி போக்குவரத்து அமைச்சர் எம்.எஸ்.முஹமட் தௌபீக், கைத்தொழில் வர்த்தக வாணிப அமைச்சர் றிசாட் பதியூதீன், தமிழ் தேசியக் கூட்டமைப்பின் வன்னி மாவட்ட பாராளுமன்ற உறுப்பினர் செல்வம் அடைக்கலநாதன், பாராளுமன்ற உறுப்பினர்களான ஹுனைஸ் பாரூக், முத்தலிப் பாபா பாரூக், வடமாகாண போக்குவரத்து அமைச்சர் பா.டெனிஸ்வரன், வடமாகாண சபை உறுப்பினர் றிப்கான பதியுதீன் உட்பட பலர் கலந்து கொண்டனர். இதன்போது 15 புதிய பஸ்கள் வழங்கி வைக்கப்பட்டன. அதில் மன்னார் சாலைக்கு 5 பஸ்களும், வவுனியா சாலைக்கு 8 பஸ்களும், முல்லைத்தீவு சாலைக்கு 2 பஸ்களும் பகிர்ந்தளிக்கப்பட்டன.