கழிவெண்ணை காரணமாகப் பாதிக்கப்பட்ட பகுதிகளில் குடிநீர் விநியோகம் சீராக மேற்கொள்வதில்லை என பாதிக்கப்பட்ட பிரதேசங்களைச் சேர்ந்த இரு சுகாதார வைத்திய அதிகாரிகள் மல்லாகம் நீதிமன்றத்தில் வழக்கு தாக்கல் செய்துள்ளனர்.
இந்த வழக்கு மல்லாகம் நீதிமன்றத்தில் தொடர்ந்தும் இடம்பெற்று வரும் நிலையில் கடந்த மே மாதம் 03 ஆம் திகதி மல்லாகம் மாவட்ட நீதவான் ஏ .யூட்சன் முன்னிலையில் விசாரணை எடுத்துக் கொள்ளப்பட்டது.
இதன்போது இதுவரை காலமும் நீதிமன்றத்தில் சமர்ப்பிக்கப்பட்டுள்ள அறிக்கைகளில் வலிகாமம் பகுதியிலுள்ள கிணற்று நீரைக் குடிக்கலாமா ? இல்லையா ? என்பது தொடர்பில் எதுவும் தெரிவிக்கப்படவில்லை.
ஆகவே, இது தொடர்பில் தெரிவிக்கவும் ,நொதேர்ன் பவர் நிறுவனத்தை மூடிய பின்னர் கழிவெண்ணையால் பாதிக்கப்பட்ட பகுதிகளில் பாதிப்புக் குறைந்திருக்கிறதா ?
என்பது தொடர்பில் தெரிவிக்கவும் ஆகஸ்ட் மாதம் 04 ஆம் திகதி வழக்கு விசாரணைக்கு எடுத்துக் கொள்ளப்படும் சந்தர்ப்பத்தில் வடமாகாணப் பிரதம செயலாளர் நீதிமன்றத்தில் ஆஜராகி கழிவோயில் பாதிப்புத் தொடர்பான முழுமையான அறிக்கையைச் சமர்ப்பிக்க வேண்டுமென நீதவான் உத்தரவிட்டிருந்தார்.
குறித்த வழக்கு விசாரணையின் போது யாழ். மாவட்ட அனர்த்த முகாமைத்துவப் பிரிவு மற்றும் நீர்வழங்கல் அதிகார சபை அதிகாரிகள் நீதிமன்றத்தில் பிரசன்னமாகியிருந்தார்.
எனினும் வடமாகாணப் பிரதம செயலாளர் நேற்று நீதிமன்றத்தில் ஆஜராகியிருக்கவில்லை என்பது குறிப்பிடத்தகக்கத்து.
No comments:
Post a Comment