பம்பலப்பிட்டி பகுதியில் ‘ரிலேக்ஸ்’ ஹோட்டலில் காதலி என அடையாளப் படுத்தப்பட்ட யுவதி ஒருவருடன் தங்கியிருந்த காதலன் ஒருவர் தூக்கில் தொங்கிய நிலையில் சடலமாக மீட்கப்பட்டுள்ளார்
.
வெல்லம்பிட்டி பிரதேசத்தை சேர்ந்த 25 வயதுடைய மொஹம்மட் அனீஸ் ஹஸன் என்ற இளைஞரே இவ்வாறு நேற்று சடலமாக மீட்கப்பட்டுள்ளதாகவும், குறித்த இளைஞன் தற்கொலை செய்துகொண்டாரா அல்லது கொலை செய்யப்பட்டாரா என்பது குறித்து தீவிர விசாரணைகள் இடம் பெற்று வருவதாகவும் பொலிஸ் ஊடகப் பேச்சாளர் உதவி பொலிஸ் அத்தியட்சர் ருவன் குணசேகர கேசரிக்கு தெரிவித்தார்.
இது தொடர்பில் மேலும் தெரிய வருவதாவது,
மொஹம்மட் அனீஸ் ஹஸன் புறக்கோட்டை பகுதியில் தனது தந்தைக்கு சொந்தமான கடை ஒன்றில் சேவையாற்றி வந்துள்ளார். இந் நிலையில் திருமணமாகாத குறித்த இளைஞர் நேற்றுமுன்தினம் பம்பலப்பிட்டி ரிலேக்ஸ் ஹோட்டலுக்கு தனது காதலியுடன் சென்று அன்றைய தினம் இரவுப் பொழுதை அங்கு கழித்துள்ளார்.
இதனைத் தொடர்ந்து நேற்றுக் காலை காதலி ஹோட்டல் அறையில் இருந்து வெளியேறியுள்ளார். பின்னர் குறித்த ஜோடி தங்கியிருந்த அறையை ஹோட்டல் ஊழியர்கள் சுத்திகரிக்க சென்ற போது அங்கு தூக்கில் தொங்கிய நிலையில் இளைஞன் சடலமாக இருப்பதைக் கண்டுள்ளனர்.
இதனையடுத்து உடனடியாக பம்பலப்பிட்டி பொலிஸாருக்கு அறிவிக்கப்பட்ட நிலையில் பம்பலப்பிட்டி பொலிஸ் நிலையப் பொறுப்பதிகாரி பிரதான பொலிஸ் பரிசோதகர் கமல் பெரேராவின் மேற்பார்வையில் குற்றவியல் பிரிவுக்கு பொறுப்பான பொறுப்பதிகாரி பொலிஸ் பரிசோதகர் அஜித் மெத்தானந்த தலைமையிலான பொலிஸ் குழு விசாரணைகளை ஆரம்பித்துள்ளது. பொலிஸார் மேற்கொண்ட ஆரம்ப கட்ட விசாரணைகளில் ஹோட்டல் அறையில் தங்கியிருந்த காதலி எனக் கூறப்பட்ட பெண் விலைமாது ஒருவர் என தெரிய வந்துள்ளது.
இளைஞனின் சடலமானது பிரேத பரிசோ தனைக்காக பொரளை பொலிஸ் பிரேத அறையில் வைக்கப்பட்டுள்ளதுடன் நேற்று மாலையாகும் போது ஹோட்டல் அறையில் தங்கியிருந்த யுவதியிடம் பம்பலப்பிட்டி பொலிஸார் வாக்கு மூலம் ஒன்றினை பதிவு செய்திருந்தனர். மேல திக விசாரணைகளை பம்பலப்பிட்டி பொலிஸார் முன்னெடுத்துள்ளனர். பிரேத பரிசோதனைகள் இன்றுஇடம்பெறவுள் ளன.
No comments:
Post a Comment