13ம் திருத்தச் சட்டம் தமிழ் மக்களுக்குத் தீர்வாக அமையாது - மாவை சேனாதிராஜா!

13ம் திருத்தச் சட்டம் தமிழ் மக்களுக்கான அரசியல் தீர்வாக அமையாது என்று, தமிழ் தேசிய கூட்டமைப்பு தெரிவித்துள்ளது. 

கூட்டமைப்பின் பொது செயலாளரும், நாடாளுமன்ற உறுப்பினருமான மாவை சேனாதிராஜா இதனைத் தெரிவித்துள்ளார்.  13ம் திருத்தச் சட்டம் மாகாண சபைகளுக்குஅதிகாரங்களை வழங்கும் விடயம் மாத்திரமே.

ஆனால் இதனையும் இலங்கை அரசாங்கம் முழுமையாக அமுலாக்க மறுத்து வருகிறது. எவ்வாறாயினும் இந்தியாவும் இலங்கை அரசாங்கமும் 13ம் திருத்தச் சட்டத்துக்கு அப்பால் சென்று, அதிகாரப் பகிர்வினையும், தீர்வினையும் வழங்குவதாக இணங்கிக் கொண்டிருந்தன. 

இந்த இணக்கப்பாடு நடைமுறைப்படுத்தப்பட வேண்டும். இந்தவிடயத்தை இந்தியாவில் புதிதாக ஆட்சி ஏறும் அரசாங்கத்துக்கு தெளிவுப் படுத்துமாறு, தாம் தங்களை சந்தித்த இந்திய பிரதிநிதிகளிடம் தெளிவாக கூறி இருப்பதாக அவர் குறிப்பிட்டுள்ளார்.