சட்டவிரோதமாக அவுஸ்திரேலியா செல்ல முற்பட்ட 17 இலங்கையர்கள் கைது!

சட்டவிரோதமான முறையில், அவுஸ்திரேலியா செல்ல முற்பட்ட 17 இலங்கையர்கள் இன்று கைது செய்யப்பட்டுள்ளனர்.


குறித்த அனைவரும், மட்டக்களப்பு மேற்கு கடற்பரப்பில் வைத்து, இலங்கை கடற்படையினரால் கைது செய்யப்பட்டுள்ளதாக தெரிவிக்கப்பட்டுள்ளது.

இவர்கள் அனைவரும், வாழைச்சேனை பகுதியிலிருந்து படகொன்றின் மூலம் அவுஸ்திரேலியாவுக்கு சட்டவிரோதமாக செல்ல முற்பட்டுள்ளதாக குற்றம் சுமத்தப்பட்டுள்ளது.

கைதுசெய்யப்பட்ட சந்தேகநபர்கள் திருகோணமலை துறைமுகத்துக்கு அழைத்துவரப்பட்டுள்ளனர். அத்துடன், மேலதிக விசாரணைகளுக்காக குற்றப்புலனாய்வு பிரிவு திணைக்களத்திடம் ஒப்படைக்கப்பட்டுள்ளனர்.