சினிமா பாணியில் நடந்த திருட்டு - ஒருவர் கைது!

யாழ். இந்துக்கல்லூரிக்கு அருகாமையிலுள்ள வீடொன்றின் கதவை உடைத்து அங்கிருந்த அலுமாரியை படி வாகனத்தில் ஏற்றிச்செல்ல முற்பட்ட 3 சந்தேகநபர்களை திங்கட்கிழமை (27) மாலையில் கைது செய்ததாக யாழ்ப்பாணப் பொலிஸார் கூறினர்.


வட்டுக்கோட்டையிலிருந்து வாகனத்தில் சென்ற 4 நபர்கள், வீட்டின் முன்பாக வாகனத்தை நிறுத்திவிட்டு வீட்டின் கதவை உடைத்து உட்சென்று அங்கிருந்த அலுமாரியை வெளியில் கொண்டு வரமுற்பட்ட போது, அப்பகுதியிலுள்ள இளைஞர்கள் சந்தேகம் கொண்டு அவர்களைப் பிடிக்க முற்பட்ட போது, ஒருவர் தப்பி ஓடியுள்ளார். மிகுதி மூவரும் பிடிக்கப்பட்டு பொலிஸாரிடம் ஒப்படைக்கப்பட்டனர்.

வீட்டில் இருந்தவர்கள் சுற்றுலாவுக்குச் சென்றுள்ளமை குறிப்பிடத்தக்கது.

திருட வந்தவர்கள் வாகனத்தை கொண்டு வந்து நிறுத்தி பொருட்களை மிகச் சாதாரணமாக வீட்டுக்குள் நுழைந்து  வெளியே எடுத்து வந்த போது அப்பகுதியால் சென்றவர்கள் அவர்களை சந்தேகப்படாது சென்றதாக தெரியவருகின்றது.