வெளிநாட்டு நாணயத்தாள்களுடன் விமான நிலையத்தில் ஒருவர் கைது!

65 இலட்சம் ரூபாய் பெறுமதியான (ரூ.6,544,462) வெளிநாட்டு நாணயத் தாள்களுடன் இலங்கைப் பிரஜையொருவரை கட்டுநாயக்க சர்வதேச விமான நிலையத்தில் வைத்து கைது
செய்துள்ளதாக சுங்க அதிகாரிகள் தெரிவித்தனர்.

குறித்த நபர் சிங்கபூர் நோக்கி பயணிப்பதற்கு முயன்ற போது கைது செய்யப்பட்டுள்ளார்.

கைது செய்யப்பட்டவர் 35 வயதான, கொழும்பை சேர்ந்த வர்த்தகர் என்றும் சுங்க திணைக்களத்தின் ஊடக பேச்சாளர் லெஸ்லி காமினி தெரிவித்துள்ளார்.

கைது செய்யப்பட்டவரிடமிருந்து கைப்பற்றப்பட்ட வெளிநாட்டு தாள்களில் அமெரிக்க டொலர் 29,000, யூரோ 7,850, சவுதி ரியால் 32,500, சவுதி அரேபிய டினார் 4,500 மற்றும் கனடா டொலர் 1,750 அடங்குவதாக குறிப்பிடப்படுகின்றது.

சந்தேக நபர் இலங்கை விமான சேவைக்கு சொந்தமான யு.எல்306 என்ற விமானத்தின் ஊடாகவே சிங்கபூருக்கு செல்லவிருந்தார் எனவும் தெரிவிக்கப்படுகின்றது