எமது இதயத்திலிருந்து.... திரு இரா.நாகலிங்கம் ஐயா - தமிழர் கல்வி மேம்பாட்டுப் பேரவையின் ஐக்கிய இராச்சியக்கிளை!

செருமனி நாட்டில் தமிழ்ப் பள்ளிகளைத் தொடக்கி வளர்த்தெடுத்த திரு இரா.நாகலிங்கம் ஐயா அவர்கள் இறையடியில் இணைந்த செய்தி கேட்டு தமிழர் கல்வி மேம்பாட்டுப்பேரவையின் ஐக்கிய இராச்சியக்கிளை ஆழ்ந்த துயர் அடைகிறது.

'உலகமெல்லாம் தேமதுரத் தமிழோசை பரவ வேண்டும்' என்ற உயரிய நோக்கோடு ஐயா அவர்கள் தொடக்கிய பள்ளிகள் இன்று எமது தாய் மொழியாம் தமிழ் மொழியை உயர்விற்குக் கொண்டு சென்று கொண்டிருக்கின்றன.

எமது மொழியும், குமுகாயமும் நலிவு கண்ட வேளையில் சரியான அடித்தளமிட்டு அயராது உழைத்து எதிர்கால மாணவச் செல்வங்களை வளமாக்கிய மதிப்புக்குரிய இரா நாகலிங்கம் ஐயா அவர்களை தமிழ்க் குமுகாயம் என்றென்றும் நினைவில் வைத்திருக்கும்.

ஐயா! நீங்கள் தமிழுக்காகச் செய்த கல்விப்பணி மேன்மையானது! அது என்றென்றும் தமிழர் உள்ளங்களில் நிலைத்திருக்கும்!

அமரர் இரா.நாகலிங்கம் ஐயா அவர்களின் இழப்பால் துன்புற்றிருக்கும் குடும்பத்தினருக்கும் அனைத்துத் தமிழ் உள்ளங்களுக்கும் எமது ஆழ்ந்த இரங்கலைத் தெரிவித்துக் கொள்கின்றோம்.

தமிழர் கல்வி மேம்பாட்டுப் பேரவையின் ஐக்கிய இராச்சியக்கிளை
TEDC U.K