சீரற்ற காலநிலை காரணமாக நேற்று களனி கங்கையின் நீர்மட்டம் ஏழு அடி வரை அதிகரித்தது.
இதன்காரணமாக கொழும்பு நகரின் வெல்லம் பிட்டி மற்றும் களனி பகுதிகளில் வெள்ளப்பெரு க்கும் பன்மடங்கு அதிகரித்தது. குறித்த பிரதேசங்களிலிருந்து மக்கள் நேற்று தொடர்ந்தும் வெளியேறிய வண்ணம் காணப்பட்டனர்.
தொடரும் வெள்ளப் பெருக்கு காரணமாக கொழும்பு மாவட்டத்தில் அதிகளவிலான சேதம் ஏற்பட்டுள்ளது. மேலும் களனி உள்ளிட்ட பிரசேதங்கள் முழுவதிலும் நேற்றைய தினம் மின் விநியோகம் தடைப்பட்டிருந்தது. களனி நீர் மட்டம் அதிகரித்தனை அடுத்து பிரதேசவாசிகளை வெ ளி யேறுமாறு இராணுவம் கோரியிருந்தது.
கொழும்பு நகரின் வெல்லம்பிட்டிய , கொலன்னாவை உள்ளிட்ட பிரசேதங்களிலிருந்து நேற்றைய தினமும் மக்கள் தொடர்ந்து வெளியேறினர். இருந்தபோதிலும் நேற்று கொழும்பு நகரில் குறைந்தளவிலான மழை வீழ்ச்சியே பதிவானது. காலை வேளைகளில் பெரும்பாலான பகுதிகளில் நீர் வடிந்தோட தொடங்கியதை அவதானிக்க முடிந்தது.
எனினும் கொழும்பு நகரில் வெல்லம்பிட்டிய மற்றும் கொலன்னாவை பிரசேதங்களில் நீர் மட்டம் தொடர்ந்தும் உயர்வடைந்த வண்ணமே காணப்பட்டன. குறித்த பிரசேதங்களில் மாத்திரம் 18 ஆயிரத்து 756 குடும்பங்களை சேர்ந்த சுமார் 94 ஆயிரத்து 151 பேர் 16 முகாம்களில் தங்கவைக்கப்பட்டுள்ளனர். இதன்பிரகாரம் கொழும்பு மாவட்டத்தில் மாத்திரம் 35ஆயிரத்து 839 குடும்பங்களை சேர்நத 1 இலட்சத்து 71 ஆயிரத்து546 பேர் பாதிக்கப்பட்டுள்ளனர். மேலும் 35 ஆயிரத்து 725 குடும்பங்களை சேர்ந்த 1 இலட்சத்து 70ஆயிரத்து 403 பேர் இடம்பெயர்ந்து 62 முகாம்களில் தங்கவைக்கப்பட்டுள்ளனர்.
களனி கங்கையின் நீர் மட்டம் நேற்று முன் தினம் நீர் மடடம் 6.1 ஆகவே காணப்பட்டது. எனினும் நேற்று 7 அடி வரை அதிகரித்திருந்தது. இந்நிலையில் 9 அடிகளை தாண்டும் பட்சத்தில் நிலைமை மோசமாக கூடிய சூழல் ஏற்பட்டுள்ளது. இதனால் களனி , நவகம்புர, வெல்லம்பிட்டி, அவிசாவளை, ஹங்வெல்ல ஆகிய பகுதிகளுக்கே பாதிப்புகள் ஏற்பட்டுள்ளன.
அத்துடன் நேற்றைய தினம் கொழும்பை அண்டிய பிரதேசங்களில் போக்குவரத்து நடவடிக்கைகள் அனைத்தும் வழமைக்கு திரும்பியிருந்தது. இருந்தாலும் களனி பிரதேசத்தில் வெ ள்ளம் பெருக்கின் காரணமாக பாலத்துறை மற்றும் கொழும்பு கண்டி வீதியின் போக்குவரத்தில் பெரும் பாதிப்பு ஏற்பட்டிருந்தது.
களனி கங்கையின் நீர்மட்டம் அதிரித்துள்ளதால், கங்கைக்கு அண்மித்த பகுதியில் வசிப்போர் அவதானமாக இருக்குமாறு, அறிவுறுத்தப்பட்டுள்ளனர். நீர்மட்டம் அதிகரிப்பதனால், வெல்லம்பிட்டிய மற்றும் அதற்கு அண்மித்த பகுதிகளில் வசிப்போரையும் பாதுகாப்பான இடங்களுக்குச் செல்லுமாறு அறிவுறுத்தப்பட்டுள்ளது.
No comments:
Post a Comment